Projekts “Pīteru pādi Rogovkā” ir rodūšs treis meistarklašu cykls, kas caur muolu, keramikys dorbu i kūpeibu gūdynoj tautys keramika Pītera Gailuma pīmiņu i ļaun īsavuiceit tautys keramikys prasmis. Itūgod pasuokums veļteits vysim Pīterim, kas ar savu dūmu, skaņom i rūkom atstuojuši pādys Nautrānu pogosta pusī. Vysi meistarklasīs topušī dorbi tiks izstuodeiti pasuokumā “Pīterdīna Rogovkā”, kas nūtiks 29. junī Rogovkys centrā. Projekts teik eistynuots ar Latgolys kulturys programys finansialu atbolstu. #LatgalesKulturasProgramma
Rogovkā itūvosor ir atdzeivynuojīs muols – dabeigs materials, caur kuru cylvāki paleidz sevi izapaust, relakseitīs i īpazeit tautys keramikys tradicejis. Itūgod projekta „Pīteru pādi Rogovkā” laikā tīk gūdynuots keramika Pītera Gailuma nūpalns, veicynojūt tautys keramikys attīsteibu i dūdūt cilvākim praktisku vareibu struodot ar muolu.
Maija Gailuma Keramika Pītera Gailuma sīva i muola meistarklašu vadeituoja
Mes Rogovkā asam nūdrūsynuoti piļneigi ar vysom ļītom, dēļ tuo drūši viņ mēs esam rhiperaktivi i cytus aicynojam ar visu, ar vysim lobumim, kas mums ir, daleitīs. Leidz ar tū, pa munam, nu vysaidys paaudzis asam – gon vacuokuo paaudze, gon videjo paaudze, gon superjaunuoko paaudze – vysi ir muolinīki.
Itūgod Maija dūd vareibu cylvākim struoduot ar treis muolim – boltū, malnū i bryunū. Kotram ir sovs raksturs, sova faktūra, sovs stuosts. Darbneicos var veidot dzeivinīku figurys, traukus, skuļpturys i izzynuot ari keramikys vyrpu – Pītera Gailuma eipašū tehniku. Kai nūruoda meistarklasis dalinīki, vadeituojis Maijis dvieseliskuo personeiba dūd syltuma sajiutu.
Inta Jurča Meistarklasis dalineica
Nu, kai jau vysūs radūšūs procesūs, pirmkort, kaut kū izdūmuot, kū tu gribi nu to muola uztaisiet, nu un poša darbošonos ir ļūti relaksejūša, taida pateikama breivuo laika pavadeišona.
Inga Meistarklases apmeklētāja no Kārsavas
Uzrunoj reikuotuoja Maija. Cīši nu svora, kas tev paruoda pareizi, kei ir jodora. Cylvāks ir taids, kurs prūt saaicynuot porejūs cylvākus ap sevi. Vot, cik cilvākus saguoja, pasaver, pavisam mozeņki, mozeņki i jau vacuoki cylvāki. Ite ni kotrs muocātu ap sevi sapuļcynot.
Meistarklasis nav tikai par tehniku. Kotrs nu dalinīku var izpaustīs pīmiņai, prīkam voi duovanai. Dorbs ar muolu ļauj atbreivuotīs i atsasliegt nu kasdīnys skriejīna. Atsauceiba treju meistarklašu cyklam ir lela. Nūbraukuši ari dalinīkim nu cytim nūvodim. Taipoš lela atsauceiba projektā vārojama nu bārnu pusis.
Aija un Agate Meistarklasis dalineicys
Tys ir muols, tys ir dabeigs materials, i var izapaustīs vysaiduokūs veidūs. Maņ traukus ari pateik darynot, bet es asu izveiduojuse vairokys pūceitis i sviļpaunīkus. Bļūdenis, šķeiveišus, nu vīnkuorši kur salikt našķus.
Raeins Meistarklasis dalinīks
Nu es viskaut ko no māla taisu – tur visādus trauciņus, viskautko tur tādu.
Projekta “Pīteru pādi Rogovkā” aktivitatis nūteik, pasasokūt projektu konkursa “Latgolys kulturys programma” finansialam atbolstam 1500 eiro apmārā.
Inga Vigule Nautrānu pogosta kulturys pasokumu organizatore i projekta vadeitoja
Latgaļis kultūras programma ir cīši lels atspaids itaidai nūtikšonai kai taidai par tū, ka tys dūd īspieju dariet lītys lelokys, lobokys i leidz ar tū ari gon Latgolys kulturai kai taidai, gon Latgolai ari nu to ir daudz leloks atspaids dorbuotīs, byut īsaisteitim un byut Latgolai.
Vīna nu projektā plānuotajom kuļminacejom ir cepļa izjimšona, kas byus i 28. junī „Pūdnīku” sātā. Projekts nūsliegs ar cepļa izjimšonu, kur tiks atspūguļuots vyss, kas īguļdiets – pacīteiba, ryupis, rodūšums i kūpeiba.
