“O, bļaka!” ir tautys muzykantu saīts i danču vokors, kas Rogovkā kotru godu puļcej vysaiduoku instrumentu spieļuotuojus, dzīsminīkus i gostus nu vyss Latvejis. Ideja par itaidu lusteigu pasuocīni kuodreiz roduos rakstnīka i sabīdriskuo darbinīka Ontona Kūkoja sātā i niu tū turpynoj atteisteit bīdreiba “Rogovkīši”. Itūreiz pasuokumā tyka gūdynuots nūvodnīks Andryvs Jūrdžs, kuram itūgod svietejam 180 godu jubileju. #LatgalesKulturasProgramma #VKKF
Maja pādejā sastdīnī Rogovkā tradicionali saīt kūpā muzykanti i dzīsminīki nu tuvuokys i tuoļuokys apleicīnis, kab kūpā lusteitu večernikā “O, bļaka!” Itūreiz gon pasuokumā vaira pīsavērsts vītejuo tautys muzykanta, dzīšmu zynuotuoja Andryva Jūrdža montuojumam.
Terēze Kūkoja Bīdreibys “Rogovkīši” puorstuove, pasuocīņa organizatore
Andrevs Jūrdžs beja ražeiguokīs rūkrokstu literaturys radeituojs Latgolys drukys aizlīguma laikā. Šķirstūt koč voi juo myužeiguo 2016. godā saraksteitū kalendaru, mes par 24. maju losom taidu tautysdzīsmi: “Dzīd meitinis, dzīd piuseiši, kur jī dzīd, kur nadzīd. Lai jī dzīd, kur dzīduodami, vysi byus vīnuvīt.
Nūtikšonu vadeja Dekteru amaterteatra dalinīki, kuri storpspielēs īpaziestynuoja ar Jūrdža atstuotū kulturys montojumu -“Myužeiguo kalindera” motivim. Vairuokums pasuokuma dalinīku izsver, ka mīlesteiba pret muzyku jīm jau ir nu bierneibys.
Anna Garanča Rogovkys etnografiskuo ansambļa vadeituoja
Mes taišni nu Andreva Jūrdža gruomotys divejis tautysdzīsmis. Leluokuo daļa ir tai kai tematūs – par zveirenim, vēļ kū, bet leluokuo daļa ir par dzīduošonu. Dzīduošona dūd spāku, energeji. Kurš īsuok nu mozūtnis, tys ari dzīd. Īt tuoļuok. Jam nav ni gryuši, na jis tī verās, kaids laiks ci kas.
Vuords “bļaka” latgaliski nūzeimoj “skuorda lūksne”, pa kuru izsytūt, skaņa dzierdama tuoļi jū tuoļi. Sovpuls pats izsaucīņs “ O, bļaka!” rodīs kūpeigys muzyciešonys laikā Ontona Kūkuoja dzymtajā sātā.
Terēze Kūkoja Bīdreibys “Rogovkīši” puorstuove, pasuocīņa organizatore
Piec vīna amatnīku smotra tierga Rogovkā pi Ontona Kūkoja sātā sasapuļcieja tautys muzykanti i tei spieļuošona i muzyciešona beja tik skaļa, ka Rogovā iz krystceļim sābrim gūvs nūruova ķēdis.
Vinsents Kūkojs Ontona Kūkoja dāls, dzīsminīks
Var izbaudeit tū vacū, lobū večerinkys goru, kod spieļuoja vysi, kas vuicieja i gribieja vysi duovuot sovu prīcu i vysi ari tū sajiema. Vysim beja aizdavumi, vysi pīsadaleja. Ka naproti dzīduot, vajadzēja sist videļci ci vinolga, kū. Tai tei bļaka ari roduos, ka atroda tū bļaku aiz syuta i suoka klapeit.
Večerinkys “O, bļaka!” golvonuo ideja ir veicynuot muziceišonys apgivi cytam nu cyta i saglobuot senejuos dzīsmis nuokušuom paaudzem, aicynuot ar jaunradi nūsadorbuot ari jaunīšus.
Pāvels un Jānis Tautys muzykanti nu Daugovpiļs
Braucam katru gadu. Jau gadu piecus beidzamos. Tagad ņemu dēlu līdzi – viņš arī sāk spēlēt. Mēs sākam spēlēt duetu divatā. Kāds dēlam šodien noskaņojums? – Labs. Domāju, ka labi nospēlēšu.
Mārtiņš Jurciņš Pasuokuma apmaklātuojs nu Strūžānim
Man ir prieks, ka cilvēki sabrauc no visām pusītēm. Arī savi pazīstamie, arī jaunie, kas iesācēji. Es uzskatu, ka cilvēku, kuri iesāk, viņiem ir interesanti ierasties večerinkās, saietos un cilvēkiem ir interesanti savus skaņdarbus nospēlēt.
Leons Bērziņš Tautys muzykants nu Bolvim
Rodās vairāk un vairāk paziņu. Prieks satikt pazīstamos muzikantus. Katram sava melodija un citādāka mūzika. Es tā spēlēju, citi tā.
Bīdreiba “Rogovkīši” jau ūtru reizi pīsadaleja projektu konkursā “Latgolys kulturys programma 2025”, sajamūt atbolstu 2000 eiro apmārā projekta “Andryvam Jūrdžam – 180” realizacejai, kurā digitalizej juo rūkrokstus i organizej cyta veida pasuokumus
Terēze Kūkoja Bīdreibys “Rogovkīši” puorstuove, pasuocīņa organizatore
Nūtiks lekceja Latgolys Kulturviesturis muzejā 13. Junī, kur Rozālija Mežatuča i Maruta Latkovska stuosteis par uorstnīceibys augim. Šūgod mes digitalizejom Andreva Jūrdža vysaidu zuoļu gruomotu – taidom par itim uorstnīceibys augu nūsaukumim. Tod ari byus tīšsaistī ari Annys Stafeckys lekceja par Andreva Jūrdža atstuotū montuojumu.
Tautys muzykantu saīts – večernika “O, bļaka!” nūtyka jau 14. reizi.
