Raidejuma “Latgolys susātivs” 2. raidejuma tema ir latgalīšu rokstu volūdys vuiciešona školuos – pedagogu izaicynuojumi, školānu i vacuoku īintereseiba, kai ari volūdys apgivis variebys ilgtermeņā. Gasteisim Ludzys Muzykys pamatškolā, kur školuotuoja Dace Tihovska ruodeis i stuosteis, kai tīk vuiceita latgalīšu rokstu volūda suokumškolys bārnim, izmontojūt dažaidys metodis – kai skreineitis, tai ari dzīsmis i rūtaļdejis. Taipoš raidejumā izzynuosim, kai školuotuoji apgiust i pylnveidoj sovys zynuošonys i kaida ir jūs motivaceja tū dareit. Pīredzī daleisīs kai jau pīredziejuši latgalīšu rokstu volūdys pedagogi, tai ari īsauocieji. Runuosim ari ir Izgleiteibys i zynuotnis ministrejis puorstuovi par latgalīšu volūdys vuiceišonys atteisteibu nuokūtnī.
“Latgolys susātivs” ir jauns, pietnīcysks treis raidejumu cykls latgalīšu volūdā par treis aktualim problemvaicuojumim Latgolā – kultura mozuos apleicīnēs, latgalīšu volūda školuos i medejprateibys izaicynuojumi. Kotram nu vaicojumu byus veļteits vīns raidejums, kurā tiks pieteita situaceja, īpazeistūt reālys pīredzis i diskutejūt kai ar vītejim cylvākim, tai ar nūzaru ekspertim Reigā i regionā. Projektu finansej Medeju atbolsta fonds nu Latvejis vaļsts budžeta leidzeklim. #SIF_MAF2024
