Raidejuma “Latgolys susātivs” 1. raidejuma tema ir kulturys centri mozuos apleicīnēs – izaicynuojumi darbinīkim, ideju eistynuošona i izpiļdejums, ryupis par auditorejis interesem i kulturvidis saglobuošona. Gasteisim divejuos kulturys īstuodīs – Kruoslovys nūvoda Škaunis pogosta Tautys nomā i Augšdaugovys nūvoda Dvītis pogosta kulturys nomā, kur īpazeisim nomu vadeituoju pīredzis i reikuotūs pasuokumus: tradicionalū Dzejis dīnu Dvītē i apmaklātuoju īmeiļuotūs Zalta rudiņs svātkus Škaunī. Runuosim ar vītejim par kulturys interesem, taipoš ari dūsimēs iz Latvejis Nacionalū kulturys centru Reigā, kab ar nūzaris ekspertim diskutātu par kulturys izpausmem i izaicynuojumim regionūs.
“Latgolys susātivs” ir jauns, pietnīcysks treis raidejumu cykls latgalīšu volūdā par treis aktualim problemvaicuojumim Latgolā – kultura mozuos apleicīnēs, latgalīšu volūda školuos i medejprateibys izaicynuojumi. Kotram nu vaicojumu byus veļteits vīns raidejums, kurā tiks pieteita situaceja, īpazeistūt reālys pīredzis i diskutejūt kai ar vītejim cylvākim, tai ar nūzaru ekspertim Reigā i regionā. Projektu finansej Medeju atbolsta fonds nu Latvejis vaļsts budžeta leidzeklim. #SIF_MAF2024
