Voi navaļstiskuos organizacejis var rysynuot Latgolys atteisteibys vaicuojumus? – ar taidu pamatvaicuojumu Rēzeknis nūvoda dūmē aizvadeits forums “Esi i dori”, kurā itūreiz diskutāts par vaļsts i pošvaļdeibys sadarbeibu ar NVO. Kūpā ar pošvaļdeibu i aktivuokajim NVO puorstuovim puorrunuoti aktuāluokī vaicuojumi, kas skar Latgolys atteisteibu i stypruokys, regularys i veiksmeigys sadarbeibys veicynuošonu storp piļsūniskajom organizacejom i vītvarom.
Arast kūpeigūs saskarsmis punktus, kab ītu iz vīnuotu mierki – ar taidu pamatvaicuojumu Rēzeknis nūvoda dūmē aizvadeits forums “Esi i dori”, kas itūreiz organizāts dialoga veiduošonai storp pošvaļdeibom i navaļstiskajom organizacejom. Kas byutu juodora, kab veicynuotuu mierktīceigu, elasteigu i ilgtermina sadarbeibu
Ērika Teirumnieka Foruma moderatore
Reali mes struoduojam vīnā vierzīnī, bet koč kai tū vazumu valkam kotrys pa sovam. Navaļstiskajuos organizacejuos nav pīteikūši aktivistu. Pošvaļdeibys, ka mes organizejom, koč kaidu sabīdreibys redzīni dabuot ir praktiski naīspiejami. Sabīdreiba ir cīši pasiva. Byuteibā es dūmoju, ka myusim ir juoatrūn tī kūpeigī punkti, kab mes aktivizeitu sabīdreibu tīšom sabīdreibai svareigu vaicuojumu pījimšonā.
Ilga Šuplinska LKB vadeituoja, projekta koordinatore
Nu pyrmuo acu redzīna varātu saceit, ka cīši zynoma tēma, nu ūtrys pusis var saceit tai, ka piļsūniskuos organizacejis ir vīnā pusī, pošvaļdeibys ir ūtrā pusī, ir koč kaidi pasuokumi, platformys, kur ir sastikšonuos, absoluti pošvaļdeibu reikuotī konkursi, bet taida kasdīnys sadarbeiba, kurā byutu ilgtermiņā vīns mierkis virzeits iz nūteiktu rezuļtatu sasnīgšonu, tuo pītryukst.
Forumā pīsadaleja vaira nakai desmit Latgolā aktivu i zynomu navaļstiskūs organizaceju lideru i pošvaļdeibu puorstuovi. Foruma pyrmajā dalī organizacejis dalejuos sovā pīredzē, kaida itūšaļt ir jūs sadarbeiba ir vītvoru i cytim izaicynuojumim.
Ilona Kangizere Bīdreibys “Laimīgi Indrā” puorstuove
Mēs esam kā brīvprātīgie šajā biedrībā, mums nav darba algas, nekā. Mēs darām to savām brīvajā laikā, kad neesam aizņemti savā pamatdarbā. Ar katru gadu kļūst arvien grūtāk un grūtāk atrast šo laiku. Visu laiku mēs saskaramies ar tādu pašu cilvēku loku, kas saistīti projektos, kas atsaucas uz mūsu iniciatīvām. Dažreiz liekas, ka tas nepieciešams tikai mazai cilvēku daļai, bet ne visam ciematam diemžēl.
Piec pīredzis apmainis saprosti vairuoki byutiski mehānismi, kas īdarbynuotu napuortrauktu, sistematisku sadarbeibu. Tei ir funkceju delegiešona, administrativuo resursu lītdereiga izmontuošona, puorstuovnīceiba i napuortraukta komunikaceja.
Ērika Teirumnieka Foruma moderatore
Delegejūt pīnuokumus, ir nūteikti konkreti aizdavumi i leidzfinansiejums, leidz ar tū jīm ir kaida finansialuo baze nu pošvaļdeibys. Tod sabīdryskuo organizaceja var atsaspert i pīsaisteit finansejumu, leidz ari pasuokumus. Saīt, ka vīna aizdavuma piļdiešonai pašvaļdeiba sovu artavu finansiali īdūd, gon ari navaļstiskuo organizaceja ar sovu aktivitati.
Ilga Šuplinska LKB vadeituoja, projekta koordinatore
Administrativais resurss ir lels un sistematisks pošvaļdeibu pusī, bet principā nav bīdreibu pusī. Ja pošvaļdeiba telpu vaicuojumā voi digitalajā, apzinuošonys tehnikys vaicuojumā ītu pretim NVO, īspiejams, NVO pīspālātu saturu i radeitu naordinarys idejis.
Ilona Kangizere Bīdreibys “Laimīgi Indrā” puorstuove
Žēl, ka tādā mazā pilsētā, ciematiņā kā Indrā ir cilvēku trūkums. Nav tik daudz cilvēku, kuri varētu ņemties. Trūkst izglītības, laika. Mēs esam ļoti ierobežoti ar cilvēkresursu diemžēl. Ja mēs runājam par mūsu pagastu, viņi ļoti palīdz. Ja vajag risināt kādu jautājumu ar transportu, fizisku spēku, organizēt kaut ko, viņi ļoti atsaucas, jo viņi saprot, ka tas viss ir mūsu ciemata dēļ.
Latgalīšu kulturys bīdreiba jau diveju godu garumā eistynoj dažaida veida izgleitojūšus forumus dažaidūs Latgolys nūvodūs, kuru pamata mierkis ir izgleituot sabīdreibu i padareit tū piļsūniski aktivuoki. Itūgod vēļ planavojās diveji “Esi i dori” forumi Kruoslovā i Leivuonā.