wp-maximum-upload-file-size domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /var/www/vhosts/lrtv.lv/httpdocs/wp-includes/functions.php on line 6114
Saeimys deputate, rakstneica, dzejneica i eistyna Latgolys mūza – tei ir Anna Rancāne. Jei ir vīna nu myusdīnu Latgolys spylgtuokajim simbolim kai litetarrā i publicistikā, tai ari Latgolys sabīdryskajā i kulturys dzeivē.
Sovys 65 godu sveiteibys Anna Rancāne aizvadeja eipašā autorvokorā, kur teikūtīs saimei, draugim i talanta cīneitojim, izskaneja juos dzejis ryndys, pasakavāts atmenuos i vīnkuorši sajusts juos dveiseliskais gaišums.
Jau gandrīz pus gadsimtu dzejniece, kas meklē gudru balsi ne tikai sevī, savā tautā, valodā, bet katrā no cilvēkiem, kas šodien ir atnākuši un kas ir skaitījuši Annas dzeju.
Anna Rancāne Dzejneica, jubilare
Fantastikas emocijas. Tik cīši gimenisks pasuokums i vīnlaikus ari tamā varēja redzēt vysu myusu spāku. Cylvāki, kuri ir nu dažaidom vītom – Kruoslova, Aglyuna, Rēzeknis nūvods, Rēzekne, vēļ Dekšuoris. Tei laikam maņ ir vysu leluokuo laime. Teišom. Nu sirds.
Pasuokuma vadmotivs ir laiks – puordūmys par laiku, kurā dzeivojam. Taipoš beja vareiba sajust eistynu latgalīšu mentalitati, ļaujūtīs Lūznovys kadriļu donču rytam, klausūtīs vieru koru “Graidi” i “Sovvaļnīku”, Mareku Gusānu i cytus muokslinīkus.
Anna Rancāne Dzejneica, jubilare
Maņ jau cīši gribātūs, kab maņ byutu daudzi dorbu, bet, prūtams, es apsazynojūs, ka laiks ir laiks. Tuo laika palīk arviņ mozuok, tys ir juoaizpylda i juostruodoj arviņ vairuok.
Kluotasūšī Annu raksturoj kai eistynu Latgolys mūzu – stypru, gūdeigu, skaistu, puordūmu i vāsmu pylnu.
Diāna Zirniņa Latgolys viestnīceibys GORS vadeituoja
Anna ir taids, es jai ari šudiņ sacieju: “Anna, tu esi cylvāks ar gaišu dvēseli. Cylvākam ar gaišu dvēseli ir gaišys dūmys i gaiši dorbi. Ap Annu ir taids mīrs. Jei ir taids kai olūts, kur pasasmeļt, pīstuot, padūmuot. Anna ir Latgolys cylvāks, kurs na tikai roda, stuosta, bet jei ari sovulaik ir cīši daudzim cylvākim ruodejusi Latgolu. Es Annai grybātu nūvieleit harmoneju, sirdsmīru i gandarejumu par tū, kū jei dora.
Piec aizvadeitami svātkim jubilarei ir jaunys īceris lelim dorbim, ar kurim radeit vaira prīcys i turēt Latgolys vuordu tuoļuok.