Kluotyn dzejis dīnu mienes, kod Rogovkā sirsneibys i latgaliskuo humora atmosferā otkon puļciejušīs latgaliski rokstūšī dzejnīki nu tyvuokys i tuoļuokys apleicīnis, kab ar sovu rodūšū darbeibu sasaceņstu dzejis slamā “Rogovkys dzejis voga”. Itūreiz pyrmū vītu daleja diveji autori – Annele Slišāne i Vinsents Kūkojs. Pasuokuma nūrise i ziņu sižeta izveide realizieta ar Vaļsts kulturkapitala fonda mierķprogramys “Latviešu vēsturisko zemju attīstības programma” finansialu atbolstu. #Latgales_kulturas_programma
Izjust dzeju gon daudzveideigys dzejis rynduos, gon ari muzykā i dejā – itai jau ūtrū reizi aizvadeits dzejis slams “Rogovkys dzejis voga”. Itūgod par žurejis viertejumu i skateituoju bolsim sasacente ostoni latgaliski rokstūšī dzejnīki – kotrs ar sovu sovpateibu i sajiutom dzejā.
Inga Vigule Nautrānu pogosta sporta hallis – kulturys noma vadeituoja, pasuocīna idejis autore
Golvonīs dzejis slamā ir nūsaceita sacenseiba, kur dzejnīki stuosta, vīnkuorši losa voi cenšās paruodeit sovu dzeju. Piec tam nūteik ari bolsuojums. Vysinteresantuokīs ir skateituoju bolsuojums. Mes itūgod bejom dūmuojuš varbyut aizstuot ar digitalim rysynuojumim, kod var caur teleponu nūbolsuot, bet saprotom, ja skaiteituojam ir tei tīšuo īsaiste, ka jis var īmest bumbeņu tīši tuo dzejnīka trauceņā i vuokt tū bolsuojumu, tod tys ir daudz personeiguok un roda ari leluoku interesi.
Ineta Atpile-Jugane Dzejneica, pasuocīna dalineica
Es koč kai nadūmoju par konkurenci, es tū uztveru kai šovu, kurā tīšom asu īsaroduse pa taišni nu buļbu vogys, tīšā i puornastā nūzeimē, vysuos nūzeimēs. Dzejnīkam ir raksteit pošam sev kaidu šaļti ir interesanti, piec tam jau tys vaira nav tik interesanti. Ir vajadzeigi tī pasuokumi, lai, pyrmkuort, īpasazeit ar cytim dzejnīkim i lai sasatiktu ar sovim skaiteituojim i skateituojim.
Storp dzejis ryndom izskaneja ari muzykalys uzastuošonuos. Kluotesūšū prīcai sagataveits ari eipašs performancis puorsteigums – skaņuos i dejā īdzeivynuota pārnejuo goda dzejis slama uzvarātuojis – Māreitis Slišanis – dzeja.
Inga Vigule Nautrānu pogosta sporta hallis – kulturys noma vadeituoja, pasuocīna idejis autore
Itūgod mes gribiejom vairuok uzsvērt tū, ka dzeja ir cīši daudzpuseiga. Jei ir gon klasiska, gon vīnkuorša, gon sarežgeita. Jū var na tik skaiteit, jū var izdzīduot, izdoncuot i izjust cīši dažaidūs veidūs. Leidz ar tū lai rostūs tei atmosfera, kab tu varātu atsasluobynuotīs un sajust ar pīktom maņom, mes eipaši centomīs pi zālis nūformejuma, atmosferys radeišonys i muokslinīku atlasis
Rasma Urtāne Literate, pasuocīna apmaklātuoja
Maņ cīši pateik ite byut. Ite taidi šmuki dzejnīki, jaunīši. Saleidzynojūt ar munim godim, es cīši prīcojūs, ka jaunīši īnes sovu īdvasmu, sovus vuordus, maņ pošai rūnās īdvesma nu tuo, tai ka maņ cīši pateik byut ite Dzejas spārnu atvēzienā, replikas jo gudras skan. Neesmu nekāds es dzejnieks, lūdzu, lieciet mieru man. Es tik rakstu, lasiet paši. Lasīt negribas nemaz, bet ja tauta ļoti prasa, autors dzeju murminās.
Pasuokumā dzeju skaiteja jau pīredziejuši dalinīki kai Annele Slišāne, Maruta Avramčenko, tai ari tī, kam dzejis slamā dorbi izskaņ pyrmū reizi.
Saceņseiba nūtyka trejuos kuortuos, uzvarātuojus nūsokūt žūrejai i skaiteituoju bolsojumam. Itūgod pyrmū vītu daleja diveji dzejnīki – Annele Slišāne i Vinsents Kūkojs, obejim sajemūt naudys bolvys i īspieji publicēt sovus dorbus latgalīšu kulturys ziņu portalā lakuga.lv
Annele Slišāne Raksnteica
Maņ ir cīši lela prīca, jo es ari par Vinsentu turieju eikšķus. Tys ir taids sūļs augšup pa kuopnem, vierteiga pīredze. Temati ir personeigi, vyspuoreigi, pasauļam svareigi. Temati par tū, kas nūteik apliek, kas nūteik dabā i kai mes tū sajiutam.
Latgalīšu dzejis slamu “Rogovkys dzejis voga” reikoj Nautrānu pogosta puorvaļde sadarbeibā ar latgalīšu kulturys kusteibu “Volūda” i latgalīšu kulturys ziņu portalu lakuga.lv. Nūtikšonu atbolsta Rēzeknis nūvoda pošvaļdeiba i Vaļsts kulturkapitāla fonda mierkprogramma “Latvīšu viesturiskūs zemu atteisteibys programa”. Itamā godā dzejis slamu atbolstūt ar 2000 eiro.
Inga Vigule Nautrānu pogosta sporta hallis – kulturys noma vadeituoja, pasuocīna idejis autore
Rogovka ir eipaša vīta, partū ka sovā laikā tei ir saleidzynuota ar Latgolys pībolvu, teiksim tai. Nu Rogovkis, nu Nautrānim nuok cīši daudz dzejnīku, rakstnīku, literatu. Mes vysod cenšamīs kūpt, kab napazustu i kab nuokomajom paaudzem nuoktu tei īškejuo sajiuta, ka mes varim. Deļtuo ir cīši labi, ka ir Latgolys kulturys programma, kas atbolsta projektus un sadz daļi nu tūs izmoksom. Leidz ar tū mes varim uzreikuot leluokus svātkus.
Pasuocīni ar muzykalom nūtem kuplynuoja ari jaunīši nu grupys “Nakts vīzija”, kuri izpiļdeja modernys dzīsmis džeda apderī, taipoš ari īcīneituos tautysdzīsmis.
