Desmit dīnu garumā Kuorsovys piļsāta i tuos apleicīne kliva par seriala i kinys “Fati II” fiļmeišonys laukumu. Rodūšuo komanda izsver, ka atškireibā nu pārnejuo goda itymā reizē serialā pasaruodeis ari misterejis elementi i ainuos pīsadaleis vaira vītejā sabīdreibā zynomys personeibys. Televizejis i kinoteatru ekranūs serials i kina byus radzami goda beiguos. Skanis režisora dorbs serialā, kai ari ziņu sižeta izveide realizieta ar Vaļsts kuļturkapitala fonda mierķprogramys “Latviešu vēsturisko zemju attīstības programma” finanisalu atbolstu. #Latgales_kulturas_programma
Pi Kuorsovys kuļturys noma taida rūseiba kai bišu strūpā – vīni filmej, cyti tāloj, veļ kaidi atbiļd par organizatoriskim vaicuojumim. Ite nūteik seriala i kinys “Fati” ūtruos sezonys vysaiduoku epizošu īraksetišona. Sūpluok golvonīm akterim saguojušs ari interesenti, kas gotovi pīsadaleit masu skotūs.
Sintija masu skotu daleibneica nu Kuorsovys
– Kā radās ideja, ka jānāk filmēties? – Sākumā vispār par to nedomāju, bet tad mēs ar draudzenēm izdomājām atnākt, jo tomēr interesanti. Es zināju, ka tāds seriāls ir, bet nebiju skatījusies.
Rolanta masu skotu daleibneica nu Kuorsovys
Nedaudz uztraukums, jo nezinu, ko darīt, kur iet un kā runāt. Es zinu, ka ir divas ainas, kur ir izlaidums un diskotēka, tāpēc, jā, saģērbos kā uz izlaidumu un diskotēku.
Arnis Slobožaņins seriala “Fati” idejis autors i producents
Īsarūnās diskotekā, kur spieļoj vītejū grupa “Staiguli”, kuri spieļoj “Unknown artist” dzīsmi “Točkys dzīsme”. Filma byus par šmakovku, bet šmakovka tiks paruodeita pavysam sovaiduokā grīzumā, nakai da šam. Itei ir mistereja – filma. Byus speidzynuošona, kopi. Komedeja byus, bet jimā byus baigi daudz taidu pagrīzīņu, kas ari liks dūmuot, filma ir ari daudz nūpītnuoka kai paguojušuo, kas beja.
Ritvars Gailums seriāla “Fati” akters
Es dūmoju, ka jebkurš var viertīs, es navaru pasaceit, kuram patiks, kuram napatiks. Jebkuru kinu vysi cylvāki verās, bet vīns soka: “O! Tas ir baigi forši!” i ūtrs soka: “Nā, tys ir pādejīs kaut kaids…”. Bet nūsaviertīs kotrs var.
Katrīna masu skotu daleibneica nu Kuorsovys
Būs ļoti interesanti skatīties, tāpēc ka būs kārsavieši un ļoti interesanti būs redzēt viņus. – Kas ir ikdienā, ko tu dari, mācies skolā, vai kādas intereses ir saistītas ar filmēšanu vai nav? – Es eju tādā pulciņā “Aplis” un tur māca par teātri.
Vīnā vuordā apraksteit “Fati II” žanru nav īspiejams, tys byušūt koč kas pa vydu misterejai i komedejai ar detektiva i romantikys elementim. Golvonūs akteru lūmys ari itymā reizē ir Mārim Korsietim aba Vitaļam, Ritvaram Gailumam aba Pīteram i Kristīnei Veinšteinai aba Aņneitei.
Kristīne Veinšteina seriala “Fati” aktrise
Maņ cīši patyka par eņgeli byut. Tik forši i tik īdvesmuojuoši! Žāl, ka sakryta soltuokuo nakts itymā fiļmeišonys laikā, partū ka šudiņ ir sylts! Bet tymā dīnā beja solts i eņgeli i vysi pusplyki, žieļ sevis beja i koleģu, bet beja jautri, ar smīklim mieginuom sasasiļdeit.
Ritvars Gailums seriāla “Fati” akters
Maņ jau tuos meiluokuos ainys, kod kaut kas nūteik interesantuoks taids, laikam tī ar Māri, kur mes… jis lēca, prūtams, iudinī, es pīguoju. Maņ jau tuos ekstremaluos pateik!
– 392, dublis 2. Un aiziet! – Kaids plieš nūst plakatus! – Es zynuoju! Es zynuoju, ka Vitaļi kaids gryb īguozt!
Epizodēs byus radzama Kuorsovys piļsāta i napatuoļi esūšuo Buozova. Malnova, Saļnova i cytys apleicīnis vītys. Rodūšū i tehniskū komandu veidoj profesionali ar vairuoku godu pīredzi nu vyss Latvejis.
Kristīne Veinšteina seriala “Fati” aktrise
Forša komanda, gon akteru komanda forša, gon ari fiļmeituoju, Reigys tehniskuo komanda, puiši vyspuor taidi supereigi profesionali, teišom prīca sasadorbuot! Ir prīks. Ir kaut kaida taida prīka i vīgluma sajiuta.
Arnis Slobožaņins seriala “Fati” idejis autors i producents
Ideja roduos maņ i Juoņam Krivtežam, kas ir producenta paleigs, Es pasceju, kū es grybu, scenaristam Valentinam Lukaševičam. Izstuostieju vysu ideju. Valentins ari uzraksteja cīši, cīši, monupruot, spieceigu scenareju, kas ir drusku taids pankeigs, bet naīrosts. Jū papyldynuo tod režisors Edvards Mikāls.
Pārnejā godā gon sajimti puormatumi par nakvalitativu latgalīšu volūdys skanejumu, idejis autors skaidroj, ka tys veidojūt serialu beja apzynuots lāmums paruodūt Dīnvidu Latgolai rokstureigys sovpateibys, ari itymā reizē kinā byus gon izcili volūdys nesieji, gon ari taidi, kam latgalīšu volūda nav dzymtuo.
Arnis Slobožaņins seriala “Fati” idejis autors i producents
Pīmāram, Vitaļs brauc iz Latgolu uzlobuot sovu latgalīšu volūdu, partū ka jis nav latgalīts ni kinā, ni dzeivī. Taipat ari Kostja, kurš ir bolvenīts, jis ir pavadiejs vosorys ite, ari nav cīši lobs runuotuojs. Ari biznesmene Lolita, kai jau biznesmenei pa Rīgu dzīvojoties, aizamierst tei volūdeņa, bet, kod tu atbrauc pi muosys, tod juorunoj tai kai ir. Tod tei ir tei dabiskuo vide, kaidu mes Kuorsovā redzom.
Kūpejīs seriala i kinys budžets ir aptyvai 80 000 eiro, atbaļsteituoju vydā ir ari Latgolys kulturys programma 2023.
Arnis Slobožaņins seriala “Fati” idejis autors i producents
Latgolys kulturys programys finasiejumu mes izmontojom skaņai, tīši skaņai i skanis aparaturys īrei i skaņu inženiera dorbam. Myusus atbolsta Ludzys nūvoda pošvaļdeiba, mysus atbolsta Malnovys koledža, myusus atbolsta Pīters Ragaušs, generalsponsors ir “Tet” i “Latvejis Televizeja”. Vysuos moluos cylvāki dūd sovus busus par breivu, pat degvīlu navajag segt. Trimmerus, kostimus, cymdus, rekvizitus, drēbis, muojis izīrej, dūd par breivu. Cīši, cīši lobys vīnuošonuos ar vītejīm uzjiemiejim, ar veikalim.
Niu fiļmeišonys process ir nūzasliedzs, tyuleņ suoksīs montažys dorbi i jau goda nūgalī četrys “Fati II” serejis varēs redzēt Latvejis televizejī, kai ari apvīnuotā kinys versejī kinoteatrūs i kulturvītuos vysā Latgolā.
[klauvē] – Aiz krāsns! Celies! Ej durvis atvērt! – Stop! – Cat. – Nofilmēts.
