Sagaidūt rudiņa sezonu Lūznovys muižā festivals “Skiuņa džezs” jau pīktū reizi puļceja kūpā džeza muzykys profesionaļus, kai ar jaunīšus i entuziastus nu vyss Baltejis. Pasuocīņu gaitā nūtyka gon vysaiduokys instrumentaluos i vokaluos meistarklasis, gon ari izskaneja džema sesejis i koncerti. Festivala nūrise i ziņu sižeta izveide realizieta ar Vaļsts kuļturkapitala fonda mierķprogramys “Latviešu vēsturisko zemju attīstības programma” finanisalu atbolstu. #Latgales_kulturas_programma
Baltejis džeza festivals “Škiuņa džezs” Lūznovys muižā nūteik jau pīktū godu i paraleli profesionalu muziķu koncertim vysaiduokuos muižys i juos apleicīnys vītuos beja ari meistarklasis i džema sesejis jaunīšim.
Iveta Balčūne Lūznovys muižys puorvaļdneica
“Škiuņa džeza” tradiceja aizasuokās 2018. godā, kod iz Rēzekni beja izdūmuojs sovys profesionaluos darbeibys puorceļt tuo laika cīši talanteigs i apduovynuots muzikis Toms Lipskis. Ar juo iniciativu tyka dybynuota džeza klase Juoņa Ivanova Muzykys vydškolā i jis nuoce ari ar sovu iniciativu styprynuot džeza tradicejis tepat Latgolā. Tod myusim roduos tei ideja kūpeiguo, ka tryukst taida džeza festivala, kur sasatyktu jaunīši kūpā ar profesionalim.
Ralfs Arbidāns džeza basgitarists, komponists
Deļ manis tei ir miseja, partū ka itys vyss festivals suocēs… ideja pīder Tomam Lipskim, jis beja muns pyrmīs školuotuojs. Jis ari tagad ir muns leluokīs elks i es, uzskotu, ka juo dzeivis miseja: jis gribeja nūteikti jaunīšim dūt itū īspieji kūpā sasaspieļuot i pavadeit forši laiku.
Niu festivala i meistarklašu nūrise kotru godu veļteita puoragri myužeibā aizguojušuo Toma Lipska pīmiņai ar devizi “Turpinājums!” . Golvonuo ideja ir nūdūt pieredzējušu džeza muziķu zinuošonys jaunuokajai paaudzei. Festivala nūrisi atbolsta Rēzeknis nūvoda pošvaļdeiba, sovpus 6660 eiro apmārā finansiejums lektoru pīsaistei igīuts konkursā “Latgales kultūras programma 2023”.
Iveta Balčūne Lūznovys muižys puorvaļdneica
Tagad, pīmāram, 5. Džeza festivalā myusim ir jau pasnīdzieji, kuri kuodreiz pi myusim uzastuojuši ar sovim koncertim, bet tagad jī ir meistarklašu vadeituoji. Myusim kūpā ir septeni meistarklašu vadeituoji nu Latvejis, Lītovys i Igaunejis, i nu Ukrainys. Myusim šūgod pīsadola rekordlels jaunīšu skaits.
Pavysam tī beja vaira nakai 40 muzykys vydškolu i augstuokūs izgleiteibys īstuožu aidziekni i džeza entuziasti nu vyss Latvejis, gon ari Lītovys i Igaunejis.
Katrin Rekor (Igaunija) festivala “Škiuņa džezs” daleibneica
Es īraudzieju itū īspieji myusu školys Facebook lopā i saprotu, ka labi, maņ ir laiks i itys byus lobs īvods nuokušajam vuiceibu godam. Es školā vuicūs ritmiskū muzyku, bet vaira fanoju par džezu.
Ilze Estere Kleinhofa festivala “Škiuņa džezs” daleibneica nu Reigys
Man ar džezu patiesībā ir daudz mazāka saistība nekā visiem pārējiem šeit, līdz ar to tas ir liels izaicinājums man. Es spēlēju ģitāru džeza ansamblī un šeit es dziedu. Dziedāšana ir mana sirdslieta.
Intensivuos vairuoku dīnu meistarklasēs rodūšā atmosferā jaunīši na viņ papyldynuo zynuošonys i prasmis, bet ari vuicejuos spieļuot kūpā starptautiskūs ansambļūs.
Ilze Estere Kleinhofa festivala “Škiuņa džezs” daleibneica nu Reigys
Es redzu daudzus cilvēkus, kas ir tajā iekšā, līdz ar to es smeļos kaut kādu daļiņu no viņiem un varbūt uzdrošinos vairāk kaut ko paeksperimentēt. Tā ir lieliska pieredzes apmaiņa. Tu satiec cilvēkus no dažādām valstīm, tu iepazīsties ar mentoriem, mācies no mentoriem un tas ir vienkārši izkāpt ārpus savām komforta robežām, jo visu laiku ir neērti un grūti, tad tā ir izaugsme.
Katrin Rekor (Igaunija) festivala “Škiuņa džezs” daleibneica
Myusim beja ritmikys i vokaluos nūdarbeibys. Es īsavuicieju vokalū tehniku i ari puors improvizacejis padūmus. Cīši nūdereigi. Maņ ir cīši svareigi uzlobuot sovys džeza improvizacejis prasmis. Itei ir loba īspieja atbraukt na cik tuoli nu Igaunejis, kab uzlobuotu tuos.
Veronika Chi Chi (Lietuva) festivala “Škiuņa džezs” meistarklašu vadeituoja
Dažreiz mes aizmierstam, ka mes esom sovā dorbā, mes struodojom i dorom daudzi lītys i, kod mes īraugam tuos acs, pylnys ar mīlesteibu, tod ir “vau!”, tys ir tik jauki, es grybu byut taida kai jī i varu īsavuiceit koč kū ari. Es vuicu vokalū tehniku i produciešonu, i ansambļa nūdarbeibys. Jīm vajag sarunys ari, zynuošonu elementus, nūteikumus, kai lītys dareit pareizi. Jī ir puorsteidzūši. Es tū nagaidieju i jī ir tik breineigi cylvāki, personeibys i arī cīši talanteigi. Vīnai meitinei ir tikai 14 godi i jei ir tik spieceiga!
Yurii Natsvlishvili (Ukraina) festivala “Škiuņa džezs” meistarklašu vadeituojs
Studenti ir īinteresieti tymā, kū es jīm stuostu i tys ir svareigi, kab nūtyktu apmaiņa ar informaceji i energeji. Es vuicu jīm mīlesteibu, partū ka vyss īt nu sirds i nu mīlesteibys pret koč kū. Es dūmoju, ka muzyka dūd myusim gondariejumu i muokslā kūpumā tai ari ir, jei ir sabīdreibys spīgeļs.
Ralfs Arbidāns džeza basgitarists, komponists
Nūvāruojams taids energejis nazūdameibys lykums, partū ka saīt, ka tī leluokī īdvesmoj gon vysus, gon tūs videjūs, sovukuort tī videjī jī tai kai mozuokūs īdvesmoj i tys riņčs nikod nasabeidz. Jaunīšim eisteneibā džezs ir daudzi tyvuoka muzyka nakai akademiskuo i klasiskuo, partū ka tīņuok apakšā golvonīs elements ir ritms. Vīnlaiceigi trenejūt jūs auss pi taidys kai kvalitativuokys, patīsuokys i advanceituokys muzykys.
Festivala “Škiuņa džezs” nūtikšona i džeza nūdalis izveide Rēzeknī ir lels progress džeza muzykys tradiceju nūstyprynuošonai Latgolā – izsver organizatori.
Iveta Balčūne Lūznovys muižys puorvaļdneica
Jaunī muziki bīži viņ sovys skatuvis gaitys ari suoc kaiduos mozuokuos vītuos, varbyut tymūs pošūs pogosta škiuņūs voi klietīs, voi garažuos. Itei ir taida vasala kosmiska džeza sistema i maņ ir lela prīca, ka mes itū tradiceji Latgolā styprynojam i, ka mes ari jaunīšim dūdam tū platformu, kur jī var augt i ari pec tam īt pasaulī.
Veronika Chi Chi (Lietuva) festivala “Škiuņa džezs” meistarklašu vadeituoja
Tys ir ari cīši svareigi satikt daudzi dažaidus muziķu, itū kūpīnu, tys ir svareigi saglobuot itū džeza kūpīnu, partū, ka džeza kūpīna, kai mes zynom, ir cīši moza. Satikt jaunus muziķus, sasadorbuot varbyut ar jīm, radeit kaidys grupys, kaidus projektus.
Ralfs Arbidāns džeza basgitarists, komponists
Tei ir muna dzeive, es navaru īsadūmuot, kū es darietu varbyut cytu, es ari nuoku nu muzykalys saimis, kurā paaudžu laikā vactāvs suoka ar akordeonu kuozuos, tāvs jau spieļuoja kuozys i es jau tai kai vairuok ari cytu muzyku. Es jau ceru, ka muni bārni, piecteči vieļuok ari toža nūsadorbuos ar muzyku.
Baltejis džeza muzykys festivals Lūznovā nūtyka pīcu dīnu garumā i muziki cer, ka ari cytus godus ite byus vareiba īdvesmuot cytam cytu byut drūsmeigim, nasabeit nu izaicynuojumim i kūpā atteisteit džeza muzykys tradicejis.
