Viļakā jau septeitū reizi nūteik storptautiskais gleznīceibys pleners “Valdis Bušs 2023”. Itymā godā daleibnīku vydā sūpluok vītejīm muokslinīkim ir ari gosti nu Bangladešys, Norvegejis, Lītovys i Pūlejis. Jau pavysam dreiži jūs muokslys dorbi papyldynuos aptyvai 100 gleznu plošū Valdim Bušam veļteitū kolekceji. Izstuodis atkluošona gaidoma jau reit – 20. julī Viļakys muzeja Klūstera telpuos. Plenera nūrise i ziņu sižeta izveide realizieta ar Vaļsts kuļturkapitala fonda mierķprogramys “Latviešu vēsturisko zemju attīstības programma” finanisalu atbolstu. #Latgales_kulturas_programma
Bolvu nūvoda, Latgolys i vyss Latvejis kulturtelpā jau septeņu godu garumā zynoms storptautiskais gleznīceibys pleners, veļteits kuodreizejam Viļakys pusis muokslinīkam – Valdim Bušam. Kotru reizi plenerā gastej uorzemnīki i niu Viļakys Vaļsts gimnazejī gondreiž desmit dīnu garumā dorbus sūpluok divejim Latvejis muokslinīkim roda puorstuovi nu Pūlejis, Norvegejis, Lītovys i pyrmū reizi projekta viesturī – ari Bangladešys.
Mahamudul Hasan (Bangladeša) plenera “Valdis Bušs 2023” daleibnīks
Valda Buša gleznīceibys pleners īdvesmoj mani i es asu cīši prīceigs byut juo daleibnīks. Ite ir cīši jauki laika apstuokli i cīši jauka vide struoduošonai. Bangladešā i Latvejī ir cīši leidzeigys ainovys, Bangladešā cīši daudzys nu zemem ir zaļā kruosā i ari Latveja ir zaļa.
Leticia Balzi (Argentīna/ Norvēģija) plenera “Valdis Bušs 2023” daleibneica
Myusim ir volūdys barjera, bet tys ir jautri, partū ka mes lītojam kermeņa volūdu voi dzieržam, kai kaids nu vuordu skaņ cytā volūdā i, es dūmoju, ka itys ir cīši interesanti, maņ cīši pateik. Es asu nu Argentinys, bet puorsvuoču iz Eiropu, kab vuiceitūs muokslu Madridī. Es asu apsaprecejusi ar lītuvīti i niu mes dzeivojam Norvegejī.
Mums ir valodas barjera, bet tas ir jautri, jo mēs lietojam ķermeņa valodu vai dzirdam, kā kāds no vārdiem skan citā valodā un, es domāju, ka tas ir ļoti interesanti, man ļoti patīk. Esmu no Argentīnas, bet pārcēlos uz Eiropu, lai mācītos mākslu Madridē. Esmu precējusies ar lietuvieti un tagad mēs dzīvojam Norvēģijā.
Natalia Borkowska (Polija) plenera “Valdis Bušs 2023” daleibneica
Es asu cīši pateiceiga byut skaistajā Latvejī. Es asu ite pyrmū reizi i, dūmoju, ka ni pādejū, partū ka itei ir breineiga vaļsts. Jauni draugi i jauna pīredze, jaunys perspektivys. Es grybu īsavuiceit vaira par Latveji, juos viesturi.
Plenera laikā daleibnīki na viņ gleznoj, bet ari apceļoj tyvuokū apleicīni i gyust idejis jaunim muokslys dorbim.
Elita Teilāne plenera “Valdis Bušs 2023” kuratore
Sākotnēji viņus iepazīstinām ar to, kāda šeit ir daba, kāda šeit ir kultūrvide. Iepazīstinām arī ar kādām interesantām vietām, arī ar uzņēmējiem, ar lielu sajūsmu mēs apmeklējam “Kotiņus” un tad katrs mākslinieks saredz tomēr savādāk. No vienas puses mēs viņiem darām zināmu šo Valda Buša atstāto mantojumu un mēs viņus iepazīstam. Mēs popularizējam Latgali, Viļaku, Latviju.
Kotram muokslinīkam ir aizdavms izgleznuot vysmoz divejus dorbus i duovynuot jūs pošvaļdeibai, kas jau tuoļuok papyldynuos Valda Buša muokslys kolekceji. Niu kruojumā ir 102 gleznys, kam itymā godā īs kluot veļ divpadsmit.
Leticia Balzi (Argentīna/ Norvēģija) plenera “Valdis Bušs 2023” daleibneica
Maņ vysod patics byut piļsātuos, bet itymā pat laikā ari aizbēgt pi dobys. Partū es varu tvert atmosferu i es asu eipaši īintereseita iudiņa tematikā. Tei var byut upe, laiva, azars. Vyss, kas ir savīnuots ar iudini.
Mahamudul Hasan (Bangladeša) plenera “Valdis Bušs 2023” daleibnīks
Munu dorbu tema ir saulispučis i itymā gleznu kompozicejī tuos ir divejis saulispučis, taipoš kai Latvejī i Bangladešā. Maņ pateik gleznuot jauktūs veidūs i es vysod izmieginoju koč kū sovaiduoku.
Natalia Borkowska (Polija) plenera “Valdis Bušs 2023” daleibneica
Es gleznoju abstroktū muokslu, jei ir baļsteita iz tuo, kab giut īdvesmu nu dobys, itei vīta tam ir perfekta i pīmāruota. Niu es eksperimenteju ar akvareļu gleznīceibu iz kanvom.
Pavysam īprīkšejūs sešu godu laikā plenerā pīsadaleja daleibnīki nu 20 dažaidom vaļstim, ari nu Australejis, Indonezejis i Dīnvidkorejis. Daleibnīki cīši nūviertej īspieji īsapazeit ar vysaiduokom kuļturom.
Mahamudul Hasan (Bangladeša) plenera “Valdis Bušs 2023” daleibnīks
Itys pleners maņ cīši paleidz, partū ka es popularizeju sovu vaļsti, sovys vaļsts tradicionaluos dzīsmis, nacionalūs iedīņus i dobu. Vysu! Taipoš es cīši daudzi asu īgivs, partū ka izzynoju informaceji par Latveju, juos kuļturu, iedīni, īsavuicu daudzi kū par jiusu vaļsti.
Leticia Balzi (Argentīna/ Norvēģija) plenera “Valdis Bušs 2023” daleibneica
Ite ir daudzi interesantu vītu, mes aso prīceigi i pateiceigi jiusim, ka paruodejot tik dažaidys Latgolys teritorejis pusis. Taipoš ari var vuiceitīs nu Valda Buša. Es zynu Marku Rotko, a ni Valdi Bušu. Es dūmoju, kod tu vuicīs muokslu, ir juoīpazeist ari muokslinīkus.
Elita Teilāne plenera “Valdis Bušs 2023” kuratore
Es priecājos tiešām, ka no mūsu puses ir nācis tik izcils gleznotājs. Cilvēks ar lielo burtu, jo viņš bija ne tikai mākslinieks, bet arī kā cilvēks – kā paraugs. Šķiet, ka viņa darbi ļoti labi ataino Latgales raksturu, ka tas nav tāds mierīgs, vienā krāsā, bet ir tā ekspresivitāte, krāsainība, dzīvīgums. Man liekas, tāda ir arī Latgale.
Jau pavysam dreiži – 20. juļa vokorā pl. 17:00 Viļakys muzeja izstuožu zalā byus atkluota ituo – septeituo plenera – daleibnīku gleznu izstuode, sovpus iz prīšku gaidomi ari cyti jaunumi.
Elita Teilāne plenera “Valdis Bušs 2023” kuratore
No nākamā gada tāds jauninājums būs, ka mēs piesaistīsim arī bērnus un jauniešus un sludināsim konkursu. Sāksim ar Latgales reģionu un šis konkurss būs saistīts ar bērnu un jauniešu iespēju iepazīt Valda Buša atstāto mantojumu un tāds tēlotājmākslas konkurss. Tad gala rezultāts varētu arī apvienoties ar šīs izstādes atklāšanu.
Plenera nūtikšonu ar 4500 eiro atbolsta Latgolys kuļturys 2023. goda programma. Projektu leidzfinansej ari Bolvu nūvoda pošvaļdeiba, a Daugovpiļs Marka Rotko Muokslys centrs kotru godu organizej plenera daleibnīku atlasis konkursu.
