wp-maximum-upload-file-size domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /var/www/vhosts/lrtv.lv/httpdocs/wp-includes/functions.php on line 6114
Indrā Kruoslovys nūvodā jau gondreiž divdesmit godus dorbojās audieju darbneica i niu gon vītejuos, gon apleicejūs pogostu rūkdorbneicys eistynuo projektu par celu jūstu aušonys tradiceju saglobuošonu. Ar Vaļsts kuļturkapitala fonda i a/s “Latvijas valsts meži” Latgolys kuļturys programmys 2022 atbolstu organizeitys meistardarbneicys i Kuļturys noma apmekleituoji var apsavērt austūs celaiņu izstuodi. #LKP_2022
Sveitrainys, ar skujeni i rokstainys – tik dažaidys celainis niu īsavuiciejušs aust rūkdorbneicys nu Indrys, kai ari tyvuokim i tuoļuokim pogostim i piļsātom. Kūpā da šam eistynuoti vairuoki projekti i veiksmeigi sasadorbojūt saprosts, ka taišni itys ir eistīs laiks, kod pasaryupeit ari par celu jūstu aušonys tradiceju saglobuošonu Kruoslovys nūvodā.
Olga Jokste Indrys audieju darbneicys vadeituoja
Mes tai kai vairuok skoldrys šņūrēs audem, laseituos skoldrys audem i cytus darbeņus, a tod paguojušajā godā, kod kovida laiks izguo, mes vysi īrūbežuoti bejom, mes suocem adēt zečis i paaicynuom kaimiņus adēt zečis. Tod gribejuos veļ kaut kū myusim nu i mes izdūmuom, ka varētu paraudzeit paaust. Kas varētu byut taids, kū var na tikai tīm, kam ir stuovi sātā? Nu… celu jūstys aussim. Paaicynuom rūkdorbnīkus, atsasaucēs nu kaiminim i Kolnīši i Ūdreiši, i Konstantinova i Svarini, Dagda i Kruoslova.
Audieju darbneicys vadeituoja stuosta, ka vyss rūkdarbneicys kūpā saguo treis pīredzis apmainis meistarklesēs, gon ari apgiva jaunys zynuošonys i prasmis Ludzys omotnīku centrā.
Olga Jokste Indrys audieju darbneicys vadeituoja
Tod myusim leluoks prīkšstots ari partū, kaidys ir arheologiskuos celainis i kaidys etnografiskuos celainis, i kaidys jaunradis celainis isaver. Tod mes daudzi gudreibu pīzalasejom. Cīši vierteigi ari sasatikt i parunuot, pasadaleit īspaidūs, partū ka tod, kod ite pi myusim audiejis sabrauc iz tuom meistarklasem, juos i gruomotys kaut kaidys atvad, kaut kaidus paraugus atvad i sovā storpā apsarunojās i pastuosta, kai kurai ir guojs.
Nellija Osipova Konstantinovys pogosta bibliotekare
Nūbraucem pyrmuos nūdarbeibys i mani tys vyss īruove tai īškā, ka es siedieju da pusnaktij kotru dīnu, navarieju atsaraut. Nikuo tī sarežgeita, tikai pacīteibu vajag. Tai… nav nikuo sarežgeita. Tagad daudzi maņ prosa tuoļuok jau vuiceit, kas natyka iz Indru, partū ka tuos senviesturis vysys jūstys.
Olga Jokste Indrys audieju darbneicys vadeituoja
Kotram jūstu veidam ir sovys eipatneibys aušonys, tuom arheologiskuom jūstom vārums tymūs celu gaļdeņūs ir sovaiduoks. Kai smejuos: “Škoļnīkam juoīt tuoļuok, nakai sovam školuotuojam!” i ir jūsta nūausta, kuru es naprūtu aust, maņ vajadzēs braukt vuiceitīs iz Konstantinovu.
Celu jūstys izmontojamys cīši daudzi kur.
Olga Jokste Indrys audieju darbneicys vadeituoja
Pyrmom kuortom jau tautys tārpūs, arheologiskajā tārpā izmontoj tuos jūstys, sīn ap vydu, ari villainem molys apšyutys ir, etnografiskuos jūstys ari sīn ap bruņčim, ap mieteli var sīt i ari apaudi, pīmāram, Abrenis tārpam cīši skaisti apaudi. Ap kaidu lynu kleitu voi vylnys kleitu, parkū nasīt jūstu?!
Projektam par celaiņu aušonys tradiceju saglobuošonu Kruoslovys nūvodā Indrys pogosta puorvaļde īgiva 500 eiro atbolstu Latgolys kuļturys programmā 2022.
Olga Jokste Indrys audieju darbneicys vadeituoja
Tys tev dūd drusceņ materialuos īspiejis, tu vari nūpierkt dīgus, kurus mes izmontuojam, tys ari tevi disciplinej, ka juobyut rezultatam ir. Tys ir vierteigi, ka atbolsta projektus, kurim varbyut taipat nabyutu īspiejis realizeitīs. Mes cīši prīcojamīs, ka mes dabuom finansejumu i vierteigi izmontuom!
Aušonu darbneica Indrā izveiduota pyrma aptyvai 20 godim, leidzeiga pīredze ar vuiceišonūs struoduot ar stuovim i saglobuot senču montuojumu ir ari pi citim sadarbeibys partnerim.
Nellija Osipova Konstantinovys pogosta bibliotekare
Stellis es uzlyku treis bibliotekā i treis Jaunīšu centrā, pa vosoru nav nikam laika aust, a kai pa zīmu, tod aužam pa drusceņai. Mes aužam tikai tūs greidys celeņus.
Jaunajam 2023. godam ateimūt celu jūstu kolekceja nu Indrys ceļojūšā izstuodī byus apsaverama ari Konstantinovā i cytuos apleicīnis vītuos, kur dzeivoj jūs audiejis. Sovpus blokus Indrys Kuļturys nomam zīmys snīgā izveiduots ari eipašs svātku rūtuojums – vītejūs īdzeivuotuoju tamboriejumi kūpā ar lampeņom salikti kruosainuos egleitēs.